Opinn kynningarfundur Rammaáætlunar
Kynningar- og umsagnarferli 8. mars – 19. apríl
Verkefnisstjórn 2. áfanga Rammaáætlunar um vernd og nýtingu náttúrusvæða með áherslu á vatnsafl og jarðhitasvæði boðar til opins kynningarfundar í Skriðunni (í húsakynnum Kennaraháskólans við Stakkahlíð) þriðjudaginn 9. mars kl. 14:00.
Þar verða kynntar niðurstöður faghópa verkefnisstjórnar sem metið hafa svæði og virkjunarkosti, hver á sínu sérsviði. Fundurinn verður sendur út á netinu og er aðgangur að útsendingunni um vefsíðu rammaáætlunar, www.rammaáætlun.is.
Skýrslu verkefnisstjórnar um virkjunarkosti til mats og niðurstöðu faghópa, auk ítarefnis, má nálgast á vefsíðu rammaáætlunar, www.rammaáætlun.is, frá og með mánudeginum 8. mars.
Umsagnarferli
Niðurstöður faghópanna verða settar í opin kynningarferli sem stendur til 19. apríl. Öllum er heimild að senda inn umsögn um niðurstöður faghópanna. Umsögnum er veitt viðtaka um tölvupóstfangið umsogn@rammaaaetlun.is en einnig má senda skriflegar umsagnir á póstfangið:
Rammaáætlun, c/o Orkugarður, Grensásvegi 9, 108 Reykjavík.
Næstu kynningarfundir
Efnt verður til kynningarfunda víða um land á næstu vikum. Næstu fundir verða haldnir laugardaginn 13. mars á Selfossi kl. 11:00 og á Kirkjubæjarklaustri kl. 17:00. Aðrir fundir verða auglýstir síðar.
Verkefnisstjórn 2. áfanga rammaáætlunar
