Natur og Kulturarv

Náttúra, menningarminjar og atvinnusköpun – Norræn ráðstefna þar sem fjallað er um hvernig nýta má náttúru og menningarminjar til atvinnusköpunar og þróunar.

Velkomin á norrænu ráðstefnuna „Náttúra, menningarminjar og atvinnusköpun“ þar sem við munum skoða hvernig nýta má umhverfið sem grunn í sjálfbærri þróun og nýsköpun. Áherslan verður á þá samvinnu milli einkaaðila og hins opinbera sem nauðsynleg er til að hægt sé að nýta fjölbreytileika umhverfisins fyrir sjálfbæra efnahagslega þróun, bæði vistvæna, félagslega og menningarlega. Maður og náttúruöfl hafa skapað það umhverfi og landslag sem við búum við í dag. Við veltum fyrir okkur hvernig framtíðin verður á landsbyggðinni á Norðurlöndum.

Um er að ræða aðra ráðstefnu af fjórum þar sem fjallað er um nýtingu náttúru og menningarminja. Ráðstefnurnar eru haldnar af Norrænu Ráðherranefndinni og tíu norrænum stofnunum á sviði náttúru og menningarminja.

Ráðstefnan er einkum ætluð fyrirtækjum, rannsóknarstofnunum, opinberum stofnunum og stjórnvöldum sem hafa áhuga á atvinnusköpun og sjálfbærri nýtingu náttúru og menningarminja.

Ráðstefnan verður haldin í Åbo höll, Åbo, Finnlandi 10. - 11. febrúar 2010.

Tungumál ráðstefnunnar eru enska og sænska. Ráðstefnugjald er 30 € og er matur innifalinn. Nauðsynlegt er að skrá sig fyrir 25. janúar til að vera öruggur um pláss. Íslenskir, færeyskir og grænlenskir þátttakendur geta sótt um ferðastyrk til þátttöku á ráðstefnunni.

Nánari upplýsingar fást hjá Maria Kurten hjá Museiverket í Finnlandi (maria.kurten@nba.fi) og á heimasíðu ráðstefnunnar: www.raa.se/naturochkulturarv

Til baka